Qashqadaryo

"Қашқадарё" газетасининг расмий веб-сайти
14 июль, якшанба. 2024 йил                         Махсус версия RU
  • Бош сахифа
  • Таълим
  • Бу йил Қашқадарё олийгоҳларига давлат буюртмаси асосида нечта талаба қабул қилинади?

30.06.2023


Бу йил Қашқадарё олийгоҳларига давлат буюртмаси асосида нечта талаба қабул қилинади?

Президент фармойишига асосан 2023/2024 ўқув йили учун Қашқадарёдаги давлат олий таълим муассасаларига ўқишга қабул қилишнинг давлат буюртмаси параметрлари бакалаврлар тайёрлаш бўйича кундузги таълим шаклига – 1 минг 930 нафар, магистрлар тайёрлаш бўйича – 527 нафар этиб тасдиқланди.

Жумладан, янги ўқув йилида давлат буюртмаси асосида бакалаврлар тайёрлаш бўйича кундузги таълим шаклига Қарши давлат университетига 510, Шаҳрисабз давлат педагогика институтига 230, Қарши муҳандислик-иқтисодиёт институтига 625, Қарши ирригация ва агротехнологиялар институтига 240, Тошкент ахборот технологиялари университети Қарши филиалига 135, Тошкент кимё-технология институти Шаҳрисабз филиалига 190 нафар талабани қабул қилиш режалаштирилган.

Ўз навбатида магистратурага ўқишга қабул қилишнинг давлат буюртмаси параметрлари Қарши давлат университетида 169, Шаҳрисабз давлат педагогика институтида 46, Қарши муҳандислик-иқтисодиёт институтида 252, Қарши ирригация ва агротехнологиялар институтида 44, Тошкент ахборот технологиялари университети Қарши филиалида 16 нафарни ташкил этади.

Шу ўринда эслатиш жоизки, 2023/2024 ўқув йилидан бошлаб давлат олий таълим муассасаларига ўқишга қабул қилишнинг давлат буюртмаси параметрлари фақат давлат гранти бўйича тасдиқланади. Давлат олий таълим муассасаларига (молиявий мустақиллик берилган ОТМлар бундан мустасно) тўлов-контракт асосидаги қабул параметрлари бўйсунуви бўйича тегишли вазирлик (идора) томонидан Иқтисодиёт ва молия вазирлиги, Олий таълим, фан ва инновациялар вазирлиги билан келишилган ҳолда белгиланади.

Report typo