Qashqadaryo

"Қашқадарё" газетасининг расмий веб-сайти
2 март, шанба. 2024 йил                         Махсус версия RU

30.11.2023


Жосус сунъий йўлдош ишга киришди

Шимолий Корея етакчиси Ким Чен Ин мамлакат 22 ноябрда коинотга муваффақиятли учирган "Маллигён-1" номли жосус сунъий йўлдоши орқали АҚШ ҳарбий базаларини кузатди. Бу ҳақда Bloomberg хабар тарқатган.

Манба маълумотларига кўра, шимоллик корейслар Америка ҳарбий ҳаво кучларига тегишли Андерсен базаси, Апра бандаргоҳи ва бошқа йирик ҳарбий пунктларнинг Тинч океанидаги Гуам ороли осмонидан олинган аэрокосмик суратларини кўрган.

Бунгача Япония мудофаа вазири Минору Кихара Ер орбитасида Шимолий Кореяга тегишли сунъий йўлдош экани тахмин қилинган объект аниқлангани ҳақида маълум қилганди.

Жанубий Корея разведкаси маълумотлари бўйича, шимолликлар йил охирига қадар бошқа ядро қуроли синови ўтказиши ва янги айғоқчи сунъий йўлдош учириши даргумон, бироқ буни 2024 йилда амалга ошириши мумкин.

Report typo