Qashqadaryo

"Қашқадарё" газетасининг расмий веб-сайти
28 март, пайшанба. 2024 йил                         Махсус версия RU
  • Бош сахифа
  • Таълим
  • Жорий ўқув йилида ТАТУ Қарши филиалида бакалавриатга 560 нафар, магистратурага 16 нафар талаба қабул қилинади

Шоҳиста БОЗОРОВА

14.07.2022


Жорий ўқув йилида ТАТУ Қарши филиалида бакалавриатга 560 нафар, магистратурага 16 нафар талаба қабул қилинади

Матбуот анжумани

Қарши шаҳридаги “Журналистлар уйи”да Муҳаммад ал-Хоразмий номидаги Тошкент ахборот технологиялари университети Қарши филиали томонидан “2022/2023 ўқув йилида олий таълим муассасалари бакалавриати ва магистратураси қабул жараёнларида яратилган имкониятлар, 2022/2023 ўқув йилида кутилаётган ўзгаришлар” мавзусига бағишланган матбуот анжумани ўтказилди.

Таъкидланишича, ахборот технологиялари соҳасида етук мутахассис кадрлар тайёрлайдиган ТАТУ Қарши филиалида таҳсил олаётган 1987 нафар талабага 81 нафар малакали профессор-ўқитувчилар таълим бермоқда. Илмий салоҳияти 35 фоизни ташкил этади. Филиалда 2018-2019 ўқув йилидан бошлаб дарс машғулотлари халқаро тажриба асосида кредит-модуль тизими асосида олиб борилмоқда.

Давлат-хусусий шериклик асосида филиалда талабалар учун 400 ўринли талабалар ётоқхонасини қуриш ишлари бошланган. Ҳозирги кунда филиал таркибида 1 та академик лицей ва 2 та техникум фаолият юритмоқда.

2022/2023 ўқув йили учун Муҳаммад ал-Хоразмий номидаги Тошкент ахборот технологиялари университети Қарши филиалида 576 та квота ажратилган бўлиб, шундан кундузги таълим шакли учун 385 та (120 та давлат гранти, 265 та тўлов-контракт), сиртқи таълим шакли учун 175 та (175 та тўлов-контракт), магистратура мутахассислиги учун эса 16 та (16 та давлат гранти)ни ташкил этади.

Филиалда абитуриентлар ва уларнинг ота-оналарига қулайлик яратиш ҳамда қизиқтирган саволларига тезкор жавоб бериш мақсадида “Call-markaz” ташкил этилган бўлиб, фуқаролар душанбадан шанбагача соат 8.00 дан 18.00 гача марказ билан боғланиб, ўзларини қизиқтирган саволларга жавоб олишлари мумкин.

Матбуот анжумани қизғин савол-жавоблар асосида ўтди.

Шоҳиста БОЗОРОВА

Report typo