Қарши шаҳридаги Амир Темур маҳалласида яшовчи З.Б. доимги одатига кўра 4 бош қўйни ўтлатиш учун дарахт соясига олиб чиққанди. Бир муддат ўтиб келиб қараса, қўйлар жойида йўқ.
Аввал ундан-бундан суриштиргач, натижа бўлмаганидан кейин ички ишлар идорасига мурожаат қилишга мажбур бўлди.
Ҳолат юзасидан тезкор вакиллар, профилактика инспекторлари ҳамда вилоят ИИБ пост-патруль хизмати ва жамоат тартибини сақлаш бўйича ходимлар томонидан олиб борилган суриштирув ишлари давомида жиноят фош этилди. Ўғриликни Қарши шаҳар Комилон маҳалласида яшовчи А.Ш. содир этгани аниқланиб, ундан 4 бош қўй ашёвий далил сифатида олинди.
Ички ишлар вазирлигининг “Постда” нашри ёзишича, ҳолат юзасидан жиноят иши қўзғатилган. Айни пайтда дастлабки тергов ҳаракатлари олиб борилмоқда.
